Fromage Malagasy : Recette Traditionnelle

September 11 at 5:57 PM
Andeha indray àry hanamboatra fromage isika e. Raha arahanao tsara ireto torolalana ireto, dia hahavita fromage tsara tarehy ianao ary hiafara hatramin’ny fanànana orinasa mpanodina ronono mihitsy
ZAVATRA ILAINA
Vilany sy afo
Lasitra misy lavadavaka madinika
Voaly (apetraka mialoha ao anaty lasitra vao arotsaka ny fromage)
Presse na zavatra mavesatra hanindriana azy
Spatule hazo
Sotro hazo
Ary Passoire
FATRA
Ronono velona 2 litatra
Ranona voasary makirana: 4 sotro fihinana,
Yaourt nature : 2 sotro fihinana
Sira: 2 sotro kely
Indro homenay anao ny tsiambaratelon’ny fanamboarana anazy:
———————————-
1. Afanaina ho 70- 85°C ny ronono na afaka atao bain marie
2. Rehefa vita izay dia avela hihena ho zakan’ny tanana ny hafanan’ ny ronono dia arotsaka ny yaourt sy ny ranona voasary makirana aorian’izay. Aroina tsara aveo dia avela hilona mandritra ny 20 minitra hatramin’ny 30 minitra eo
3. Rehefa mivadika ny ronono, izany hoe misaraka ny vaingany sy ny ranony dia aroina indray mande mba hisaraka tsara dia tatavanina hanasarahana ny rano sy ny vaingana ronono
4. Ilay vaingana ronono iny no rarahana sira dia aroina tsara, ary alefa ao anaty lasitra aveo ka tsindrina zavatra zavatra mavesatra tsara aveo mba hahazoana fromage mafy tsara. Avela eo mandritra ny 6ora.
5. Rehefa tapitra ny 6ora dia esorina tao anaty lasitra ny fromage ary avela mipetraka amin’ny toerana maina sy mangatsitsiaka ao atrano.
FANAMARIHANA
Afaka 24ora aorian’izay vao efa azo ohanina tsara amun’izay izy
Arakaraka ny maha ela ny fotoana hipetrahany vao maika hampiova ny tsirony ho tsara
Tsara kosa anefa, raha mba avadika isan’andro izy mandram-pahamainany tsara
DIA VITA TOMPOKO NY FROMAGE, IRETO IHANY KOA NEFA MBOLA MISY KARAZANY HAFA AZONAO VOKARINA:
Gouda simple
Gouda local
Gruyère
Cheddar
Tome
Saint paulin
Mozzarella
Raclette
Camembert
Fromage fondu
Ary ireo fanodinana hafa maro be
Izay hoentinay manokana ho anao anaty Fiofanana matihanina + pratika:
ANTANANARIVO, NY 7 OKTOBRA 2024
—————————
FANODINANA SOJA, NY 08 OKTOBRA
Mandroso raha te hahomby tompoko, dia manontania anay raha misy hanampiana e
_ Malagasy Mandroso/0345006789
_ Mpiaramiasa: Tranombarotra LIDA